Мин түннүкпэр хаайтарбыт сахсырҕа
Бүтэнигэр диэри сирэйинэн охсуллар
Ол курдук мин эмиэ сылайан-элэйэн
Олоҕум суолун саҥаттан ойуулуохпун баҕардым
Хос ырыата:
Өскөтүн бириэмэни эргитэр
Массыынаны айар эбит буоллахтарына
Мин төннүөм этэ ол ыраах оҕо сааспар
Абаанылаах мин оонньообут алааспар.
Төннүбэккэбин мин ол онно хаалыаҕым
Алаадьы сыттаах таҥастарбын мин кэтиэҕим
Күн уота саҕахха саспытын кэнниттэн
Түптэ сыттаах салгыҥҥа суураллан хаалыаҕым
Мин хаалыаҕым оҕо сааным доҕотторунаан
Мин хаалыаҕым туолбатах баҕа санаабынан
Хос ырыата:
Өскөтүн бириэмэни эргитэр
Массыынаны айар эбит буоллахтарына
Мин төннүөм этэ ол ыраах оҕо сааспар
Абаанылаах мин оонньообут алааспар.
Төннүөхтэрэ ол дьоллоох кэмнэр
Халлааннартан быстыбыт күннээх күннэр
Кэлиий миэхэ, кэлиий миэхэ.
Хос ырыата:
Өскөтүн бириэмэни эргитэр
Массыынаны айар эбит буоллахтарына
Мин төннүөм этэ ол ыраах оҕо сааспар
Абаанылаах мин оонньообут алааспар.