Вступление
[Intro]
[Verse 1]
Ilun-ikarak azken argia uxatu dizu urrutira,
zeru sabaian izar bakanak itzal etzanei begira,
ilun txintako sorgin usaiak espazioan dirdira.
ilun txintako sorgin usaiak espazioan dirdira.
[Verse 2]
Mendi hegitan argi-oroitza eguzkiaren keinua,
baso beltzean hosto firfira gauezkoen erreinua.
Itsas ondoko tamarindotan olatuen errainua,
itsas ondoko tamarindotan olatuen errainua.
[Verse 3]
Itsas txoriak txio-txioka harat-honata haizetan,
berde argien edertasuna more motelduz uretan,
txalupa geldi kulunkarien isladarekin hizketan,
txalupa geldi kulunkarien isladarekin hizketan.
[Verse 4]
Parke isileko banku txuria ezpain beroen lankide,
antsi zaharrak zantzu berritan bihotz gordinen senide,
tristura hegan paseatzen da arratsaren solaskide,
tristura hegan paseatzen da arratsaren solaskide.
[Verse 5]
Gau ezkilaren oihartzun-hotsa irristatzen da kolkoan,
zirrara mutu baten gisara maitearen soinekoan,
bakardadea sekretuekin korapilatzen den zokoan,
bakardadea sekretuekin korapilatzen den zokoan.
[Verse 6]
Itsas aireak gesalez dakar murmuriozko solasa,
suspiriotan ezin jarioz pena lurrinduen hatsa,
haize boladak txikordatzen du maiteminduen jolasa,
Haize boladak txikordatzen du maiteminduen jolasa.
[Outro]