Жапырағын жайған бәйтерек
Тереңге тартқан тамырын
Сезбеппін әке ертерек
Жаныңның ыстық жалынын
Ахоу, ахоу, Ахоу-о-о-оу
Ертеңім үшін көз ілмей
Атқыздың қайта таңымды
Түсінер кім бар өзіңдей
Сағыныш толы жанымды
Ахоу, ахоу, Ахоу-о-о-оу
Шапағат нәрін жиыпсың
Көңілге қуат беретін
Жолыма менің қиыпсың
Бақытты өзің көретін
Ахоу, ахоу, Ахоу-о-о-оу
Мейірім шашқан жүзіңнен
Өмірдің іліп көремін
Әкелік асыл сөзіңмен
Жолымды тауып келемін
Ахоу, ахоу, Ахоу-о-о-оу