Вступление
[verse 1]
Minga domà in piazza del Dòmm
Gh'è i delinquent e i donn:
Nel noster piccol a Lambràa
Ghe n'è che moer mazzàa.
Nel noster piccol a Lambràa
Ghe n'è che moer mazzàa.
[verse 2]
L'era giamò senza cavèj
Ma 'l coeur come on bagaj;
L'ha comincià a sentì i scalmànn
Per voeuna de vint'ann
L'ha comincià a sentì i scalmànn
Per voeuna de vint'ann.
[verse 3]
Ma quand la carna l'è on butter
La costa semper car:
Domà coi primm quatter basìtt
La gh'ha fàa foeura tutt
Domà coi primm quatter basìtt
La gh'ha fàa foeura tutt.
[verse 4]
Quand la g'ha ditt de dågh el rest
Lù el gh'ha nanca rispost:
E quand l'ha vist ch'el pagava no
La s'è vestida anmò
E quand l'ha vist ch'el pagava no
La s'è vestida anmò.
[verse 5]
Poeu l'ha ciamàa sù el sò belèe
Pientàa in sul marciapè
E tutt e dù per el vegètt
Han preparàa el colpett
E tutt e dù per el vegètt
Han preparàa el colpett.
[verse 6]
E intant che lù el faseva el bèll
Lèe la g'ha fàa la pèll:
L'era giamò bianch come un strasc,
Lèe la gh'ha fàa i boccasc
L'era giamò bianch come un strasc,
Lèe la gh'ha fàa i boccasc.
[verse 7]
L'han voltàa in aria sora e sòtt
Ma gh'han trovàa nagòt:
Domà cartascia e on quaj librètt
Con dùu o trìi medajètt
Domà cartascia e on quaj librètt
Con dùu o trìi medajètt.
[verse 8]
Allora gh'he vegnùu el rimors
E lì visin al mort
A piangigh sora in genogiòn
La gh'ha ciamàa perdon
A piangigh sora in genogiòn
La gh'ha ciamàa perdon.
[verse 9]
Quand dopo on poo inn rivàa i pollèe
L'han vista in sul sorèe
Che la piangeva cont el coeur
L'ha vista anca el Signòr
Che la piangeva cont el coeur
L'ha vista anca el Signòr.
[verse 10]
El dì che poeu gh'han fàa i barbìs
L'è andada in Paradìs:
Domà i bigòtt dìsen de no,
La ghe va minga giò
Domà i bigòtt dìsen de no,
La ghe va minga giò.
[verse 11]
Minga domà in piazza del Dòmm
Gh'è i delinquent e i donn:
Nel noster piccol a Lambràa
Ghe n'è che moer mazzàa.
Nel noster piccol a Lambràa
Ghe n'è che moer mazzàa.