Ля апошняй мяжы надакучлівыя дажджы.
Ля апошняй мяжы пры дарозе стаяць крыжы.
Як здалець, зразумець што тут золата, што тут медзь.
Як адвесьці ад рук сьмецьце гэтае, гэты бруд.
Ля апошняй мяжы не зрабіся сабе чужы.
Ля апошняй мяжы не бяжы ад сваёй душы.
Хто ў сядло, хто ў сіло, сохне корань, гніе сьцябло.
Сэнс ды зьмест даўніх слоў закаваны ў глухое шкло.
Ля апошняй мяжы ты нічога мне не кажы.
Ля апошняй мяжы слухай мову сваёй душы.
Кім ты быў, хто ты ёсьць, адыходзяць і страх, і злосьць.
Непахісны вырок, ты ўсміхнешся і зробіш крок.