Чорны лес, белы сьнег.
Гэты сьвет, нібы ў сьне,
Чорна-белым бязьлітасным сьне.
Белы сьнег, шэры лён.
Ці палон, ці праклён.
Сумны плён неабачлівых дзён.
Рэфрэн:
Дык ідзі і глядзі,
Ідзі і глядзі.
Па зямлі, па вадзе, па жыцьці.
Чорны сьпіс, белы сьпіс.
Парадокс, кампраміс.
Ты дарэмна чакаеш свой прыз.
Белы сьнег, шызы лёд.
Ільдзяны карагод.
Кара мне за нязграбны палёт.
Рэфрэн:
Дык ідзі і глядзі,
Ідзі і глядзі.
Па зямлі, па вадзе, па жыцьці.
Тут у небе пэтарды як зьмеі,
А ў душы вар’яцее завея.
Белы сьнег. Белы дзень. Белы сон.
Рэфрэн:
Дык ідзі і глядзі,
Ідзі і глядзі.
Па зямлі, па вадзе, па жыцьці.
Дык ідзі і глядзі,
Ідзі і глядзі.
Па зямлі, па вадзе, па жыцьці.