Званы над дрыгвою,
Над чорнай вадою
Даўно ўжо тут не гучаць.
Верасовыя пусткі,
Скаваныя вусны -
Жах не дае закрычаць
Сёння ўсю ноч да свiтання
Дзiкае паляванне.
Шляхты дачцы свой жах не ўтоiць ў вачах,
На балоце сёння палюе Стах.
Белыя скроні...
Маўклівыя коні
Дрыгву не крануць капытом.
Павінна згінуць панна -
Так прадказана,
Як каласы пад сярпом.
Па засценках моўчкi шляхта
Пахавалася ў змрок.
Над дрыгвою ходзiць панна,
З верасоў пляце вянок.
Спяць Балотныя Яліны,
Цвыркуны спяць у чароце,
Аступіўшыся ў купінах
Панна знікла ў балоце.