Вступление
[Verse 1]
I ken ye dinna like it lass,
Tae winter here in toon.
Fur the scaldies aye miscry us,
And they try tae bring us doon.
And it's hard to raise three bairns,
In a single flea-box room,
But Ah'll tak ye on the road again,
When yella's on the broom.
[Chorus]
When the yella's on the broom,
When the yella's on the broom,
I'll tak' ye on the road again,
When yella's on the broom.
[Verse 2]
The scaldies caw us 'tinker dirt',
They sconce our weans in school,
noo who cares what a scaldy thinks,
A scaldy's but a fool,
He's never heard the yorlin's sang,
Or seen the flax in bloom,
For they're aye cooped up in hooses,
When the yella's on the broom.
[Chorus]
When the yella's on the broom,
When the yella's on the broom,
They're aye cooped up in hooses,
When the yella's on the broom.
[Verse 3]
Nae sale for pegs or baskets noo,
Sold tae stay alive.
We've hud tae work at scaldy jobs,
Frae nine o'clock tull five.
But we ca nae man oor maister,
For we own the world's room,
And We'll bid fareweel tae Brechin,
When the yella's on the broom.
[Chorus]
When the yella's on the broom,
When the yella's on the broom,
We'll bid fareweel tae Brechin,
When the yella's on the broom.
[Verse 4]
Ah'm longin fur the springtime,
Tae tak' the road yince mair,
Tae the plantin' and the pearlin',
And the berry fields at Blair.
we'll meet up wi' oor kinfolk,
Frae a' the country roon',
When the gana-boot folk tak' the road,
When the yella's on the broom.
[Chorus]
When the yella's on the broom
When the yella's on the broom
When the gana-boot folk tak' the road
When yella's on the broom
[Chorus]
When the yella's on the broom
When the yella's on the broom
When the gana-boot folk tak' the road
When yella's on the broom