Чаму невясёлы, чаму такі сумны?
Заўтра ў бой! Падымем Калюмны!
Падымем Пагоню – штандар наш нязьменны!
Ты быў для нас заўжды самы сьмелы.
Нам біць ардынцаў ня раз давялося,
Колькі крыві ў тых бітвах лілося.
На Маскву з тваім дзядзькам Альгердам хадзілі,
Дзіды і коп’і аб Крэмль завастрылі.
Рэфрэн:
Нашая слава - ад мора да мора,
На ўвесь сусьвет наша княства вядома!
Мы спакойны народ, але ў бітвах - дзікі.
(у апошнім рэфрэне: - )
І з намі ты, наш князь Вітаўт Вялікі!
Хто заўтра наступны? Крыжакі-тэўтоны
Самі пад меч нам прынесьлі галовы.
На полі грунвальдзкім яны нас чакаюць.
Вядома, ліцьвіны іх тут пахаваюць.
Нашая слава - ад мора да мора,
На ўвесь сусьвет наша княства вядома!
Мы спакойны народ, але ў бітвах - дзікі.
І з намі ты, наш князь Вітаўт Вялікі!