Нисек һиңә тиклем йәшәнем мин?
Йондоҙҙай балҡып сыҡтың һауала.
Тормош юлдарында аҙашып
Барғанмындыр юғалып
}x2
Һорамай индең тормошома
Көс тапманым ҡаршы булырға
Сөнки был мәлде күптән көттөм мин
Өмөтөмдө өҙмәнем
Ҡушымта:
Ашҡынам һинең яндарыңа
Һағынам, башымды юғалтам
Ҡара күҙҙәреңдә баттым,
Йөрәгемде һиңә бирҙем
Сөнки мин һинең менән тере
Тик һинең менән генә тере
"Тойғоларыңды тыя алмай"
Тип әйтәһең һин ҡай саҡта
Ә мин бының кәрәген күрмәйем
Нимә әйтәһең, мин һөйәмен
Күңелем һиндә тороп ҡалғандай
Йөрәгем түштә яна ялҡындай
Мөхәббәт ҡанаттарында осамын
Килермен, етермен төн уртаһында булһа ла бәғерем
Ҡушымта:
Ашҡынам һинең яндарыңа
Һағынам, башымды юғалтам
Ҡара күҙҙәреңдә баттым,
Йөрәгемде һиңә бирҙем
Сөнки мин һинең менән тере
Ашҡынам һинең яндарыңа
Һағынам, башымды юғалтам
Сәбәптәрҙе әҙләмәй булғы килә мин яныңда
Сөнки мин һинең менән тере
Тик һинең менән генә тере