Кюнле озадыла, кюнле,
Гюлле чирийдиле, гюлле.
Жай къолайсыз кетгенине
Сокъурандым жюрегимден.
Жерни сууукъ алды жерни,
Сени ычхындырдым сени
Турама энди кесимлей,
Къыш ортада сени излей.
Таула къарайдыла таула,
Манга ачыулана манга,
Жашау а чархча бурула,
Къачып барады аллымдан.
Къадар болушмады , къадар,
Мадар табалмадым ,мадар
Сени артха къайтарыргъа
Эм къатынга къысылыргъа.
Сен тураса ойнай-кюле,
Мени сюйгеними биле.
Баям, мени сен сюймейсе,
Мени кибик сен кюймейсе.
Мен а сенсиз болалмайма,
Не унутуп къоялмайма,
Кече тынч жукълайалмайма,
Мен сенсиз жашаялмайма.