Бириэмэ эмиэ тохтоон
Саһан оонньоһор курдук,
Түүн кэлэн хараҥа
Түннук нөҥүө одуулуур.
Хантан эрэ эмискэ
Кэлбитэ биллибэккэ,
Дьүкээбил уота сырдаан
Сулустарга таласта.
Хос ырыата:
Төрөөбүт мин Дьааҥым,
Сахам сирэ эн мэлдьитин
Сүрэхпэр чугас буолаҕын.
Дьүкээбил уотунуу
Сырдык санааҕын миэхэҕэ
Куруутун эн бэлэхтии турууй.
Түүн оргууйдук сырдыкка
Бэринэн иһиэҕэ,
Бэҕэһээҥҥи сулустар
Өссө сүтэ иликтэр,
Бастакы сардаҥалар
Хараҥаны хайытан,
Кэлэр күн уонна ааспыт
Көрсүстүлэр.
Хос ырыата:
Төрөөбүт мин Дьааҥым,
Сахам сирэ эн мэлдьитин
Сүрэхпэр чугас буолаҕын.
Дьүкээбил уотунуу
Сырдык санааҕын миэхэҕэ
Куруутун эн бэлэхтии турууй.