[Куплет]:
Кыһыл көмүс күһүҥҥэ
Cайынныын арахсар
Биир дьикти түгэҥҥэ
Айылҕам иһийэр.
Оччоҕуна дууһабар
Туоххаһыйа, долгуйа
Дойдубун ахтарым
Күннэтэ күүһүрэр.
[Припев]:
Мин аҕам алааһар,
Лэбийэм күөлүгэр
Аар хатыҥ күлүгүн
Көрүнэн эрдэҕэ.
[Куплет]:
Алааһым кытаҕар
Хатыҥнаах чараҥар,
Отуутун таһыгар,
Оллоонун аттыгар,
Хотуурун таптайар,
Табаҕын уурунар
Уонна, дьэ, оргууйдук
Бугулун бэрийэр.
[Припев]:
Мин аҕам алааһар,
Лэбийэм күөлүгэр
Аар хатыҥ күлүгүн
Көрүнэн эрдэҕэ.
[Куплет]:
Хас биирдии бэйэбит
Улаатан бараммыт
Тус-туспа дьылҕалаах
Дьон буолан сылдьабыт.
Ол эрэн дууһабар,
Сүрэхпэр өрүү баар
Умнубат өйдөбүл -
Аҕабыт алааһа.
[Припев]:
Мин аҕам алааһар,
Лэбийэм күөлүгэр
Аар хатыҥ күлүгүн
Көрүнэн эрдэҕэ.
[Припев]:
Мин аҕам алааһар,
Лэбийэм күөлүгэр
Аар хатыҥ күлүгүн
Көрүнэн эрдэҕэ.