[Куплет 1]:
Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Джер юсюнде джокъду, анам, санга тенг!
Джашауму дагъаныса, анам, сен!
Джер юсюнде джокъду, анам, санга тенг!
Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, манга алгъыш тилеген!
Сенсе, анам, балаланы бек сюйген!
[Проигрыш]: , , , (2 раза)
[Куплет 2]:
Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Кюн джарыкъны, джарыгъыса, анам, сен!
Къарангыны джарыкъ этген, анам, сен!
Кюн джарыкъны, джарыгъыса, анам, сен!
Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!
[Куплет 3]:
Къор болайым "ана" деген атынга!
Дарман болуб, джагъылайым санынга!
Кечгинлик бер, тийген эсем джанынга!
"Ана" деген сыйлы атды таулугъа!
Кечгинлик бер, тийген эсем джанынга!
"Ана" деген сыйлы атды таулугъа!
"Ана" деген сыйлы атды таулугъа!