Боз булутла къачхы джелге бойсуна,
Барадыла къыбла таба шималдан,
Чырмалалла Минги Тауну бойнуна,
Кёб мычымай, къарайдыла башындан.
Булутлагъа тирелмезге кюреше,
Деу садакъны учу кибик тизилиб,
Бир-биринден хапар биле, сёлеше,
Къалмасын дей, онгсузуракъ юзюлюб.
Сиз учасыз, къыбла таба турнала,
"Сау къал" эте, къанат къагъа, къычыра.
Бир бирде кюй сокгъан кибик зурнала,
Чыгъаралла сейир мыдах макъамла.
(модуляция на тон выше)
Проигрыш куплета
Сизни къанат тюбюгюздеди джуртубуз
Ушамайды сизге мени джазыуум
Бюгюн къанат тюбюндеме джуртуму
Бек эскертеди кесин озгъан джарсыуу
Ким биледи, энди сизни ненчагъыз
Къайтмай къалыр джаз бла бирге таулагъа?
Сиз къайтыргъа, таулада да ненчабыз
Кете бара, сукъланырла саулагъа?