[Intro]:[- - - -][- - - -][- - - -][- - - -]
Суу алыб келе къара суучукъдан,
Бир къонакъ джашха тюбедим.
"Къызчыкъ, суусабма", - деб айтханында,
Мен анга, сюйюб, суу бердим.
"Къайда кёргенме, къайдан таныдым?" -
Деб келди мени кёлюме.
Ол да, менича, бек сейирсиниб,
Джити къарады кёзюме.
Джаш суудан ичиб, кёб алгъыш этиб,
Ауушла таба атланды.
Насыбым кетиб, джюрегим тебиб,
Мен аны ызындан таралдым.
Къайсы ауушда бара болурса,
Джанымдан эсе сюйгеним?
Шагъырей джолчукъ бла энтда келирсе, -
Деб ышанады джюрегим.
[- - - -][- - - -]
Джазыуда болсама адамла тюбейдиле
Джюрекден джюрекге джол барды дейдиле
Билмесемда, къызчыкъ, сени атынгы
Кете бара эштиб джюрек ауазынгы
[- - - -][- - - -][- - - -][- - - -]
Джууаб береме, бир эшит сен да мени джюрек ауазымы
[- - - -][- - - -][- - - -][- - - -]
Джолоучулукъда бек суусаб болуб,
Къара суучукъгъа къайтханем,
Суу алыб келген бир къызны кёрюб:
«Суу ичирсенг» - деб айтханем.
Ууакъ ышарыб, айча джарытыб,
Къошунун берди къолума,
Сууундан ичиб, кёб алгъыш этиб,
Атландым узакъ джолума.
Уялтама деб, тау намыс этиб,
Сормай атын да терк кетдим.
Ичген сууум бла сюймеклик сингиб,
Таулагъа къараб ант этдим:
Къайда болсанг да, сени табарма,
Къаршчы чыкъса да джазыуум!
Шагъырей джолчукъ бла къайтыб барырма…
Сакъла сен, мени ариуум.