Аляа хүхын дуун урин дуудаад,
Аян холоноо ерээб шамдаа.
Анхан түрэнэн талам шэнээр
Аршаан сүршэжэ, бэеым жэгнээ.
Дабталга:
Ду-утайхан, суутайхан тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.
Сагай найханда ургааш, нэргээш,
Сагаан эдеэгээ элбэг дэлгээш.
Сарюун үбэлдөөш, арюун зундааш
Самряан ажалаар омог зандааш.
Дабталга:
Ду-утайхан, суутайхан тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.
Аяын хангалаар нараа золгоош,
Агтын жороое хүгжэм болгоош.
Айдар хүбүүдтээ жэгүүр олгоош,
Абын заншалаар юрөөл үргөөш.
Дабталга:
Ду-утайхан, суутайхан тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.
Зүрхэнэйм охин, зүүдэнэйм эхин
Дуулим Буряадайм тоонто нютаг.